ჩვენ შესახებ

შპს „საინჟინრო ჯგუფი და ხარისხი საქართველოში“ დაარსდა 2010 წელს და ახორციელებს სამშენებლო მასალებისა და კონსტრუქციების საგამოცდო მომსახურებას.

მომსახურება მოიცავს ნიმუშების აღებას, მიღებასა და რეგისტრაციას, ლაბორატორიულ და საველე გამოცდებს და მიღებული შედეგების დოკუმენტირებულ წარმოდგენას.

რას ვაკეთებთ

აკრედიტაციის მოქმედი სფეროს ფარგლებში ვახორციელებთ შემდეგი მასალებისა და ობიექტების გამოცდებს:

• ქვიშა, ქვიშა-ხრეშოვანი ნარევები, აგრეგატები და საგზაო მასალები;
• გრუნტები და მარცვლოვანი საფუძვლები;
• ბეტონის ნარევი და გამაგრებული ბეტონი;
• ბეტონის ნაკეთობები;
• ბეტონისა და რკინაბეტონის კონსტრუქციები;
• ასფალტბეტონის ნარევები;
• მზა ნაგლინი შავი ლითონი — არმატურა.

საველე მომსახურება: ბეტონის სიმტკიცის არადესტრუქციული შეფასება ასხლეტის მეთოდით, შმიდტის ჩაქუჩის გამოყენებით, და გრუნტებისა და მარცვლოვანი საფუძვლების დინამიკური დეფორმაციის მოდულის განსაზღვრა მსუბუქი წონითი დეფლექტომეტრით (LWD).

როგორ ვმუშაობთ

სამუშაო იწყება დამკვეთის მოთხოვნის განხილვითა და საჭირო გამოცდების განსაზღვრით. შემთხვევის შესაბამისად, ლაბორატორია ახორციელებს ნიმუშების აღებას ან იღებს დამკვეთის მიერ მოწოდებულ ნიმუშებს. თითოეული ნიმუში რეგისტრირდება და იდენტიფიცირდება, რის შემდეგაც გამოცდა ტარდება მოქმედი სტანდარტის, დამტკიცებული მეთოდის და ხარისხის მართვის სისტემის მოთხოვნების შესაბამისად.

გამოცდებისას გამოიყენება შესაბამისი სტატუსის მქონე მოწყობილობები, ხორციელდება შედეგების შიდა კონტროლი და მიკვლევადობის უზრუნველყოფა. დასრულებული შედეგები დამკვეთს გადაეცემა საგამოცდო ოქმის სახით. საველე მომსახურება ხელმისაწვდომია საქართველოს მასშტაბით.